నూతన సంవత్సరం వేడుకలకు విశాఖ పోలీసుల మార్గదర్శకాలు

అర్ధరాత్రి ఒంటి గంట వరకూ హోటళ్లు, క్లబ్బులు, పబ్బులలో కార్యక్రమాలు నిర్వహించాలనుకుంటే ముందస్తు అనుమతి తప్పనిసరి.
నిర్వాహకులు అన్ని ఎంట్రీ, ఎగ్జిట్ పాయింట్లలో రికార్డింగ్ సౌకర్యం ఉన్న సీసీటీవీ కెమెరాలు ఏర్పాటు చేయాలి.
పార్కింగ్ ప్రదేశాల్లో కూడా రికార్డింగ్ సౌకర్యం ఉన్న సీసీటీవీ కెమెరాలు ఏర్పాటు చేయాలి.
ప్రతీ జంక్షన్ వద్ద పోలీస్ టీం ఉంటుంది. ప్రజలు అష్ప్రమత్తంగా ఉండాలి.
కార్యక్రమ నిర్వాహకులు నిర్వహణ ప్రదేశంలో ట్రాఫిక్ నిర్వహణ, భద్రత కోసం సెక్యూరిటీ గార్డులను నియమించాలి.
ఎక్కువ సంఖ్యలో ఎంట్రీ, ఎగ్జిట్ ద్వారాలు ఏర్పాటు చేయాలి.


వేడుకల్లో దుస్తులు, నృత్యాలు, చర్యలు, మాటలు అన్నీ సముచితమైన దృక్పథంతో ఉండాలి. అశ్లీలత, న్యూడిటీ ఉండకూడదు.
ప్రైవేటు రిసార్టు యాజమాన్యాలు 24/7 ఒక సూపర్‌వైజర్ లేదా గార్డును స్విమ్మింగ్ పూల్ వద్ద ఉంచాలి.
మద్యం మత్తులో స్విమ్మింగ్ పూల్‌లోకి దిగకుండా జాగ్రత్తలు తీసుకోవాలి.
న్యూ ఇయర్ పార్టీలలో శబ్ద స్థాయిలు 45 డెసిబెల్స్ లేదా దాని కంటే తక్కువగా ఉండాలి.
కార్యక్రమ నిర్వహకులు, ఈవెంట్ ప్రదేశంలో ఎలాంటి ఆయుధాలను అనుమతించరాదు.
కార్యక్రమ నిర్వాహకులు, సామర్థ్యానికి మించి పాసులు, టికెట్లు, కూపన్లు ఇవ్వకూడదు.